@ MA'ASUMAH NIGERIAN NEWS UPDATED @ Shafi Domin Kai da Al'ummar ka
ITA TA FI SANIN SHIRUN 'YA'YATENTA
Uwa da Uba sune babban gata ga duk wani abin haihuwa ko da kuwa a cikin dabbobi nene. Wanda ya rasa daya daga cikin su ya yi babbar hasara wacce babu abinda zai samu wanda zai maye gurbin su.
Duk kyautatawar miji ko mata ga abokin zama ba zai taba kasancewa a matsayin dayan mahaifa ba, domin kuwa ana iya canza su.
Cikin iyaye kuma babu kamar uwa wajen qauna, tausayi da kuma kyautatawa 'ya'yayensu. Uwa ita ce wacce za ta sadaukar da komai nata don ganin ta farantawa 'ya'yayenta ba tare da ta damu ba.
Ita ce wacce ba ta qyashin dukkan abinda 'ya'yanta za su samu.
Ita ce wacce ke sauraren dukkan koke n 'ya'yayenta da kuma sanin damuwarsu .
Ita ce wacce ke iya fahintar shirun 'ya'yayenta ba tare da sun bayyana mata abinda ke damunsu ba.
Ita ce wacce ke tarbiyyantar da 'ya'yayenta kan kyawawan dabi'u.
WANDA YA RASA UWA YA YI BABBAR HASARA.
Daga wakilanmu na Bauchi zone .
Tare da Ado Isah Guda .
08126385470
~17th December , 2019.