Da farko an so mutum ya azumci yinin Alhamis din.
Sannan bayan Magriba kafin sallar Isha'i, sai ya yi wasu salloli kamar haka;
Raka'a 12 da sallama shida. Wato bayan kowane raka'a biyu zai yi Tashahhud ya yi sallama, sai ya mike ya kawo wata raka'a biyun har ya kammala.
A kowace raka'a zai karanta:
- Fatiha 1
- Inna Anzalnahu 3
- Suratul Iklas (Qulhuwa) 12.
Baya an gama dukkan raka'a 12 din, sai a yi wannan salatin sau 70:
*اللّٰهُمَّ صَلِّ عَلَى مُحَمَّدٍ النَّبِيِّ الْاُمِّيِّ وَ عَلَى آلِهِ*
"Allahumma salli ala Muhammadin Nabiyil Ummiyi wa ala alihi."
Sannan sai mutum ya yi sujada yace sau 70 a cikin sujjadar tasa:
*سُبُّوحٌ قُدُّوسٌ رَبُّ الْمَلائِكَةِ وَ الرُّوح*
"Subbuhul Ƙuddusu Rabbul Mala'ikati War-Ruh."
Sai mutum ya dago kansa daga sujjadar, ya kuma fadin wannan Istigfarin sau 70:
*رَبِّ اغْفِرْ وَ ارْحَمْ وَ تَجَاوَزْ عَمَّا تَعْلَمُ اِنَّكَ اَنْتَ الْعَلِيُّ الْاَعْظَمُ*
"Rabbigfir Warham wa Tajawaz amma Ta'alamu, Innaka Antal Aliyul Azeem."
Sannan sai ka sake komawa zuwa ga sujjadar karshe, ka kuma cewa sau 70:
*سُبُّوحٌ قُدُّوسٌ رَبُّ الْمَلائِكَةِ وَ الرُّوح*
"Subbuhul Ƙuddusu Rabbul Mala'ikati War-Ruh."
Sannan sai mutum ya roki duk bukatunsa a wajen Allah. Insha Allah karbabbiya ce nan take.
— Ana iya duba Mufatihul Jinan babin ayyukan watan Rajab, ko Iƙbal da Biharul Anwar don karin bayani.
Allah Ya sa mu dace.
Sannan Ina rokon yan uwa asani a Addu a Dan Allah