Akwai wurare da yawa da Allah (s.w.t.) ya yi magana da Sayyidina Abu Talib (as) a cikin Alqur'ani mai girma.
Daga ciki yazo a cikin Qur'ani Suratu Ale-Imran Aya ta 33 Allah (T) yana cewa;
اِنَّ اللّٰهَ اصۡطَفٰۤى اٰدَمَ وَنُوۡحًا وَّاٰلَ اِبۡرٰهِيۡمَ وَاٰلَ عِمۡرٰنَ عَلَى الۡعٰلَمِيۡنَۙ
Allah ya zabi Adamu da Nuhu, dangin Ibrahim, da iyalan Imrana sama da dukkan mutane,-
An haifi Sayyidina Abu Talib (as) a shekara ta 540A.H a Makka. Yawancin malamai suna da Ra'ayin cewa sunansa Imran ne, kuma Abu Talib shine kinayarsa saboda dansa Talib.
Allah (s.w.t.) ya zabe shi don muhimman ayyukansa wanda shine bayyananniya daga ayar Al -Qur'ani mai girma da aka ambata a sama. Allah (s.w.t.) ya fada a cikin ayoyin da ke sama cewa ya zabi dan gidan Sayyidina Abu Talib (as) sama da mutane kamar yadda ya zabi Adamu (as), Nuhu (as), da iyalan Ibrahim (as), haka ya kiyaye su daidai da juna.
Kamar yadda babban matsayin Ibrahim (as) a gaban Allah (s.w.t.) ya kasance daidai da matsayin Abutalib (as). Me yasa Allah (s.w.t.) zai zabi dangin kafiri ?, wanda bai yi imani da shi ba, kuma ya ba shi matsayi mai girma kamar yadda ya rataya ga Annabawansa.
Batun da za a fayyace anan shine cewa a cikin dukan tarihi akwai Imran guda uku. 1. Uban Sayyidina Musa (as), mahaifin Syeda Maryam (s.a) na karshensu shine mahaifin Sayyidina Ali (as).
Imran da aka ambata a nan shine mahaifin Sayyidina Ali (as) saboda zuriyar sauran Imran guda biyu sun shude, kuma shine kawai zuriyar sa (Sayyidina Abutalib (as)) suke nan, suka ci gaba da wanzuwa.
SHARHI
Duk wadanda suke kafirta Abu Talib, hakika hadafinsu ba ya tsaya ne kawai kan mahaifin Imam Ali (As), burin su da hankoronsu taba mutuncin Manzon Allah (S) ne.
Abu Dalib shine ya zama garkuwa kuma jigon Manzon Allah, shine yayi ta bawa Manzon kariya har kamin yarin sa ya zo ya dora daga inda ya tsaya.
Taba mutuncin Abu Dalib taba mutuncin Manzon Allah ne... Bayan zuwan sako inka cire Syeda Khadijah ba wanda ya bawa Manzon Allah gudunmawa da kariya kamar Abu Dalib.. Dalilinsa ne ya saka kowa ke shakkar fuskantar Manzon Allah.