Sidi Abba A Aliyu Katsina
"Ranar idin Ghadeer, an ambace shi da babbar Idi, idin iyalan gidan Manzon Allah Muhammad (S), kuma shine mafificin idodi, wand aba a taba aiko wani Annabi ba face ya yi idi da wannan idin. Wato ya yi biki a rana mai kamar ta Ghadeer, kuma ya kiyaye alfarmar ranar.
Kuma ba ma a nan doron kasa ba, har a samma, kowace sama ana bikin wannan rana, a saman duniyan nan ana kiran yinin da ‘Yaumul Ahdul Ma’ahud’, a kasa kuma ‘Yaumul misakul Ma’akhuz’ da ‘Yaumul jam’il Mashhud’.
An tambayi Imam Sadik (AS), musulmi suna da wani Idi baya ga idodin nan biyu (karama da babban sallah kenan)? Yace na’am, (akwai) wacce ta fi girma ma. Aka ce wanne ne wannan? Sai Imam (AS) yace; “Ranar da Manzon Allah (S) ya nasabta magajinsa. Yace, ‘Duk wanda na kasance shugabasa to wannan Alin shugabansa ne’, shine ranar 18 ga Zulhijja.
To, cikin abubuwa daban-daban da aka ruwaito na falalar ranar Ghadeer akwai hudubar da Amirulmuminin (AS) ya taba yi, inda a ciki yake cewa: “Wanda ya ciyar da mumini a daren Ghadeer kamar ya ciyar da fi’am, sannan fi’am, sannan fi’am ne.”
Sai wani ya mike yace masa mene ne Fi’am?
Sai Imam Ali (AS) yace masa: “Fi’am daya sune; Annabi 200,000 da Siddikai 200,000.” To, wanda ya ciyar da Mumini daya kamar ya ciyar da Fi’am da yawa ne.
Ga wanda ya ciyar da mumini daya kenan, yaya kuma ga wada ya ciyar da Muminai da yawa? Ya kuma wanda ya dauki rainon muminai maza da mata ba ciyarwa kawai ba? Shi kam wannan Amirulmuminin (AS) yace; ‘na lamunce masa amana daga Kafirci da Talauci (wato ba za a jarabce shi da kafircewa ko talauci ba).’
— Daga jawabin Shaikh Ibraheem Zakzaky (H) a ranar Ghadeer.
DOMIN CIGABA DA SAMUN LABARANMU KU BIYO A SHAFUKAN SADA ZUMUNTA NA
@FACEBOOK: https://web.facebook.com/Maasuma.com.ng/
@TWITTER: https://twitter.com/MaasumahNews/
DOMIN BAMU SHAWARA KO AIKO MANA DA LABARI KUYI MAGANA TA ADRESHIN
@EMAIL: maasumalabari@gmail.com
Tags:
Munasabobi